ni Terry Magnaye
Naamoy ko na Pasko sa paligid
Ang dapyo ng hangin ay mahalumigmig
Hinahaplos-haplos balat mong makinis
Ang ibinabadya Pasko’y nalalapit.
Sa loob at labas ng mga tahanan
Sa mga pader, halamanan at durungawan
Ang ilaw dagitab, nagpapaligsahan
Kumikindatkindat, kumakaway-kaway.
Ligaya ang dulot ng Sanggol sa Belen
Mayaman o Dukha, may isang hangarin
Ang likas na buting nasa puso natin
Nagbuhat sa Diyos nang tayo’y lalangin.
Maligayang Pasko at Manigong Bagong Taon sa lahat.
Subscribe to:
Post Comments (Atom)
No comments:
Post a Comment